كل ما يهم الصبايا


    وااااو ريحة بيتك مميزة !! يا ترى وش سرك

    شاطر
    avatar
    عطر الندى

    ¤° مؤسسة الموقع °¤


    انثى عدد الرسائل : 290
    العمر : 33
    البلد : سعودية وأفتخر
    المهنة :
    الهواية :
    المزاج :
    تاريخ التسجيل : 12/06/2008

    فراشة وااااو ريحة بيتك مميزة !! يا ترى وش سرك

    مُساهمة من طرف عطر الندى في الإثنين يوليو 04, 2011 1:39 pm


    السلام عليكم ورحمة الله وبركاته

    أكيد كل صبية بتحب تكون رائحة بيتها مميزة وحلوة وهادي الشغلة بدها على رأي بونكس شوية شطارة

    وان شاء الله مارح أبخل عليكم بأي طريقة تعطير
    ورح أقولكم نتائج كل طريقة
    وانت اختاري اللي بيعجبك

    ولانو أنا ملولة بحب أضل أغير في ريحة البيت رح تلاقو أفكار متنوعة بين التقليدي والنهفات

    بسم الله الرحمن الرحيم

    أول شي يا معدلة حابة أبدأ بروائح النضافة

    * في مرش بلاستيك حطي ماء + غطاية ديتول أخضر وامسحي فيها الطاولات والأبواب والأثاث
    عشان الغبرة كلها تروح وتضل الريحة الحلوة

    * في ماء الشطف للسيراميك ممكن تستخدمي غطاية من كمفورت الأزرق أو داك بالزهور

    * للحمامات جل العملاق الأخضر ممتاز

    * إغسلي كيس مكنسةالكهربا وحطي عليه غطايتين كمفورت وما تشطفيهم واتركيه تنشف
    واستمتعي كل ماتكنسي بروائح النظافةمن مكنستك

    ممتاز ! هلأ دور البخور

    الناس اذواق وأنا جربت البخور بس بحسو بس للأعياد ورمضان لانو إلو جو خاص

    * استخدمي الفحم ومش مباخر الكهربا لانو ريحة البخور بالفحم أحلا

    * استخدمي مثبت البخور ورشيه على الكنب والستائر قبل التبخير

    *ضعي المبخرة وأغلقي الباب حتى الريحة تمسك

    * إضافة المسكة للبخور بيزيد ثباتها

    * من البخور اللي أعجبني
    العود الكمبودي في عبدالصمد القرشي والمعمول الدوسري في حامل المسك وبخور بانافع

    وهلا دور الفواحات

    * استخدمي الزيوت العطرية وانت وزوقك . لافندر ، جاردينيا ، باشن أو اللي بتحبيه

    * اخلطي الزيت بالماء عشان ريحة الزيت المحروق بتخرب كل التعب

    * وفواحات الكهربا أحسن من الشمع بس الشمع رومنسي أكتر بالزات لو كانت الشموع سينتيد ،معطرة،

    * ممكن لو بتحبي تغيري عن الزيوت ممكن تحطي كام نقطة فانيلا سائل أو نسكافيه أو كمفورت أو مسك سائل واستمتعي بروائح غريبة ومميزة

    وهادي أفكار تعطير مختلفة

    * لتعطير السجاد اخلطي كربونات الصودا بشوية زيت عطري وانثريها عليها واتركيها يوم ثم اشفطيها

    *اذا تفاجأت بضيوف وفي ريحة طبيخ بالبيت
    حطي هال ومسكة في طنجرة عالغاز واتركيها بدون غطا تغلي

    * ضعي المبخرة بالخزانة وأغلقيها وتمتعي برائحة كل ما فتحتي الخزانة

    * اطحني المسك الأبيض وافركي به سجادات الصلاة

    انتهى
    وياريت تعطونا أفكاركم بالتعطير
    وان شاءالله حياتكم بتضل عطرةبذكر الرحمن








    ـــــــــــــــــــــــــــــــــــــــــــ




      الوقت/التاريخ الآن هو الأربعاء نوفمبر 22, 2017 2:11 am