كل ما يهم الصبايا


    اللهجة الحجازية البحتة

    شاطر
    avatar
    عطر الندى

    ¤° مؤسسة الموقع °¤


    انثى عدد الرسائل : 290
    العمر : 34
    البلد : سعودية وأفتخر
    المهنة :
    الهواية :
    المزاج :
    تاريخ التسجيل : 12/06/2008

    فراشة اللهجة الحجازية البحتة

    مُساهمة من طرف عطر الندى في الثلاثاء أكتوبر 21, 2008 2:59 pm

    ،، هــــــــ،ـ،ـايز قـــــــ،ـ،ـايز ،،

    كيفكم

    دا موضوع عجبني وجبتلكم هوا وأن شاء الله يعجبكم
    عن اللهجة الحجازية البحتة

    7
    7
    7
    7
    7
    7
    7
    7
    7
    7
    7
    7
    7



    لهجة أهل المنطقة الغربية في السعودية وتتمركز بالذات في مكه وجده والمدينة
    والقرى القريبة منها اكثر من باقي المدن اللي في الغربية وهي لهجة تأخذ من اللهجة
    البدوية و اللهجة المصرية.
    وطبعا تختلف لهجة العجايز عن الجيل الحاضر ..
    لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية
    البلد اما الشباب حقون دحين ما عاد صار يستخدموها . وكمان ما ننسى ان اللهجة
    الحجازية فيها الكثير من الأمثال القيمة

    وبسم الرحمن نبدأ في بعض ما تختص بيه لهجتنا الحجازية الغاليه :

    مصطلحاتنا :

    في كثير من المصطلحات الحجازية اللي من الصعب انو اي واحد غير حجازي يفهمها
    واتفضلوا هذي بعضها :

    اندر بره : اخرج
    العن سنسفيلك : اهزأك
    اديلو : اعطيه
    الدهليز : مدخل البيت
    الكرتة : الفستان
    الكنتره : الجزمة اكرمكم الله
    القنعه : العبايه
    الكرويتة : دكة خشبية
    الزقاق : الشارع الضيق
    وأعتقد أنها أصبحت كلمة معروفة بفعل النزح المكاوي على المدن الأخرى، وهو
    المعروف عند أهل نجد بالدعتسوس الداعوس << ياعيني

    دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى
    الحواري المكّاوية أصبحت تعرف بالآيس كريم
    دحديرة : نزلة او منحدر
    الدبش : اغراض العروسة قبل لا تتزوج
    القابلة : بكره = اللي تولد الحوامل
    المملك : المأذون الشرعي
    الدقيسي :الفراغ اللي تحت الدرج أو المخزن
    المرقعة : الدلع والمياعه في الكلام والتصرف
    يتتريق : يستهزء
    اللغوصة : نقل الكلام وتسبيب المشاكل
    الدحلسة : اذا كنت بتتمصلح مع واحد عشان تبغى منه شي تقول يدحلس .
    هججوني : ازعجوني
    قوامن : بسرعه , حالاً
    مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك
    فيهن مضليون و المضليون هو البروش الألماس
    الحرمصة: يقولك في غابر الغابرين ( واحد متحرمص على نتيجته) والمعنى العلمي لها
    هو عدم الاستقرار النفسي أو انتظار الشيء على أحر من الجمر
    المرمشة: يمين بالله علينا كلمات فلّه
    المرمشه: بفتح الميمين هي نهش ما على العظام من اللحم، أو نهش ما على أي
    شيء من أي شيء
    الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح
    في الكلام
    العكننه : وهي التنكيد على شخص معين،
    و في مصطلحات كتيرررررررررر غيرها .


    2- أمثال حجازية :
    إذا جيت رايح كتر من الفضايح.
    او إذا جيت رايح كتر من الملايح
    بعد ما أكل واتكا قال ريحته مستكا.
    حاجه ما تهمك وصي عليها جوز أمك.
    ست وجاريتين على قلي بيضتين.
    أعمى ويلضم خرز.
    دلع الكبار زي الشقدف على الحمار
    يضرب هذا المثل لخروج العجوز عن وقاره وجديته
    والشقدف عشان الاسئلة بس:ما كان يوضع على الجمل ليجلس فيه المسافرون
    اللي ماله أم حاله يغم.
    كنس بيتك ورشُه ما تدري مين يخشوا.
    الخايبه تتعلق بالحبال الدايب.
    أهري وانكتي يا جاره وأنا ثابته زي العماره.
    شايل لنا طيران عبد القادر
    لو لك شي عند ال,,,,,,,,,,,, قول له يا سيدي
    لا تقرصيني يا نحله ما أبغالك عسل..
    يحسدوا الفقير على موتة الجمعه
    سكتنا له دخل بحمارووو
    ما يقدروا على الحمار يقدروا على البردعة
    اذا حلقوا لغيرك بل راسك واستنى
    ايش عرف الحمير بأكل الجن,,,,,,,,,,,,ل
    البيض الفاسد يدحرج على بعضه

    اذا تعاندوا الحمير يا بخت الركاب

    البيضه ما تخابط حجر

    حبيبك يمضغ لك الزلط وعدوك يعد لك الغلط

    حمارتك العرجة تغنيك عن سؤال اللئيم

    داخل لبيت العروسه نادر من بيت العريس

    ياريتني بيضه وعرجه اصلوا البياض فرجه(بضم الفا).

    يااخد القرد بماله يروح المال ويبقا القرد على حالو

    الله من محبته في عبيدو جعل العمر والرزق بيدو.

    اللي يشوفني بعين اشوفوا باتنين.

    مين يشوفك يالي في الضلام تغمز

    على قد زيتوا سرجلوا

    ماتعرف خيري لين ماتجرب غيري

    عقربة في الغار ولا ضُرة في الدار

    فقير اتجوز فقيرة خلفوا وجع القلب

    كبيرهم فلفل وصغيرهم زنجبيل واللي في الكوفلة يقول من العايدين

    خاتم بفصو وكل شيء ترصوا

    خشوني لاتنسوني ولعوا الشمعة وشوفوني

    عمية تحفف مجنونة وتقولها حواجبك سودا ومقرونة

    الصرمة والقبقاب صاروا أصحاب

    يا داق الموية في المهراس يا مربي وليد الناس

    كل عيش البخيل ولا تأكل عيش المنان

    أدب ولدك وان زعلت امه

    يابخت من بكاني وبكى الناس عليه ولا من ضحكني وضحك الناس عليه.

    رضينا بالهم والهم ما رضي بينا

    اتملت العدوة وقلت المروه

    أكلوا الملوخية وصاروا أفندية

    لمن كنا ما كانوا ولمن رقدنا قاموا

    قالوا متى طلعت القصر قالوا أمس العصر

    العروسه للعريس والجري للمتاعيس

    سلامتك والهيل والقرنفل قمامتك

    اللي يشيل قربه مخروقه تنقط على راسه

    الحجر من الارض والدم من راسك

    أخوانك من أمك زي الدهب في كمك و أخوانك من أبوك زي القوم لما ينهبوك
    من بيت أصقع لبيت أرقع

    مطبق العاده و معصوب كل يوم
    ههههههههههههههههههههههههه

    في كل محضر بالتوب الاخضر
    باب المجلس يقول باب السطوح .. اللي يجي يجي .. واللي يروح يروح

    خليها في القلب تجرح و لاتخرج بره ترمح
    الحر من غمزة والحمار من رفزه
    يضرب هذا المثل لايضاح الفرق بين النبيه والبليد.
    حمار الحكومة حكومة
    يضرب هذا المثل للموظف الصغير المتسلط على الناس

    خطبوها اتعززت تركوها اتندمت
    يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان

    كل حبه مسوسه لها كيال اعور
    قلبي على ولدي انفطر وقلب ولدي عليا حجر.

    و لا تنسوا ارضى بقردك لايجيك اللي أقرد منوو
    الحب عياقة ...توب بلا ياقة


    الالقااااااااااااااب :

    عندنا في الحجاز وخصوصا مكه في اسماء يعطوها كنيه او لقب على سبيل المثال واحد
    اسمو عبد الله يقولولو أبو عابد ... وهذي بعضها :
    عمر : أبوسراج
    حسن : أبو على
    حسين : أبو هلال
    يوسف : أبو يعقوب
    عبدالله : عبادي او ابو عابد
    عبدالرحمن : الوجيه
    عبد الرحيم : أبو رحمه
    فيصل : أبو عبدالله
    عبد العزيز : عزيز أو ابوسعود
    فاطمة : فتو
    مريم : منّة
    ابراهيم : أبو خليل


    كمان الحجازيين فيهم اخلاق و احترام مافي بعدها

    لما يطلب منك سكينه ايش يقول ؟
    يقولك الله يخليك اديني سكينة في قلب العدو
    لما يقلك كنت بأكل
    يقلك كنت ب أتعشى مثلاً فضله خيرك

    اشياء و تراجمها : بيت الما:

    وهو ما يعرف حاليا (بدورة المياه) وقد سماه الجيل الصاعد المكاوي الآن
    (الطهارة) وقد ورد انه تم التسمية هذه على أساس انه مكان كبير في البيت يوجد فيه
    الماء فسمي بـ بيت الما.
    المركّب:
    بتشديد الكاف، وهو ما يسميه جميع الناس الآن (المطبخ) والى الآن يعتبر علماء
    اللغة العربية هذه التسمية من عجائب التسميات لأنه لا يوجد سبب معروف للتسميه
    هذه إلى الآن!!!!
    الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب
    المكاوي (محمد يواد فلاته) أن التسمية تعود إلى الحرب العالمية الأولى حيث استخدم
    أول مره كمخزن للذخائر وسمي في مكة بالدقيسي ، وقد قام جيل 2000 من شباب
    وشابات مكة بتسميته بالمخزن بدافع التطور.
    القرندي: بفتح القاف والراء وتسكين النون وكسر الدال <<<مشوار ها؟
    وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله
    (بسرعة عساك القرندي)
    ويفسر علماء الجن أن القرندي نوع من أنواع الجن وببساطه يدعي الأب على ابنه
    بالقرندي <<شفتو اللطافه.
    الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم
    المكاويه.
    حيث تداعب أولادها بـ (تعال الله يفقدك)
    توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية
    في تصنيع نوعين من الأشياء اللي تنحط فيها مويه للشرب وهو ما يسمونها زينا
    (الكاسه) ومو زينا (المغراف).
    المغراف:هو نوع من أنواع الكاسات التوتوا ، في حين انه تمت إضافة معلومة من علماء
    الجن المذكورين سابقا
    انه في مرة من المرات قامت أم تداعب ولدها لصغير (الشقي) اللي يلعب يالمغراف
    وقالتله الله يفقدك بس
    وبعدين قالت خلاص يامغراف خده وفي لمح البصر اختفى الولد ، والمغراف هو نوع من
    أنواع الجن
    وكان بالصدفة متواجد في مكة هذا الجني ههههههههههههههههههههه

    على طبطابي .. : يعني على مزاجي
    مِرَسْتَكَه ..: يعني متأنتكه يعني مرة شياكة .. ومرتبّة

    وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي
    قدامي ..


    و لا أهبدك اللين أجدد ايمانك
    تزل ... : يعني تمر
    مرحبمبك ... : يعني مرحبا بك .. بس باختصار شوية
    باطِرمَة ... : يعني جلسة ... كنب حاجة زي كده ...
    كَرَاوِيتَه : ... حاجة خشب كده ... يحطوا عليها الباطرمة ....
    مَدَارِيْه : ...... مراجيح ... <<< كلمة بابا دي
    ندرت عينك من حُقّها ... : يعني خرجت عينك من محلها .... كده
    شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) ..
    قيّسْتَك : ... يعني حسّبتك .... توقعتك .... هقيتك
    يعني مثلاً .. ( قيستك ياواد حتزل على عمتك فتّو ) ... وه ياستيته ..
    بُخْنُق ... : اللي يتلبس في الراس ويكون مخيّط على قده ....
    مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب
    في المداريه ) ؟؟ :-@
    دهليز : يعني سيب (... سيب وانا اسيب )..... يعني محل كده زي اللي يكون قدام ابواب
    العماير
    من جوّه ....
    زنبيل : ... يعني كيس ...
    زلطة : .... سَلطة بعد التعديل ...
    يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة
    روحي يابت عساكي بداعوك يدعك مصارين شيطانك غسلي الصحون بدل مانتي
    قاعدتلي كده لاشغله ولا مشغله

    لعيونكم كمان محادثه مكاويه :

    ماجد ابو صدقه / يواد يامعمر
    عمر ابو سراج / هلا مجود
    ماجد ابو صدقه / كيف الحال والتحوال
    عمر ابو سراج / خليها على ربك ياشيخ
    ماجد ابو صدقه / بلا في شكلك ... خاربها من بدري ... اشبك
    عمر ابو سراج / لا بس البزوره جابولي القلق
    ماجد ابو صدقه / صفقهم احسن لك
    عمر ابو سراج / يابن الحلال الحرمه دي زي المرض قاعدتلي
    ماجد ابو صدقه / من جد ... المهم رايح القهوة
    عمر ابو سراج / قدام ... والله مره المنجا عندي يبغالها ترويق
    ماجد ابو صدقه / هه مايبغالك الا باعشن
    عمر ابو سراج / من جد ... سرينا
    ماجد ابو صدقه / خلاص بعد نص ساعه امرك
    عمر ابو سراج / هيا لا تتاخر ... تراها واصله معايا
    ماجد ابو صدقه / بس تره مفلس
    عمر ابو سراج / لا تشيل هم .. انا منقرش
    ماجد ابو صدقه / الله عليك ياعمده .. او كي يالله القاك هناك
    عمر ابو سراج / على خير


    وبس وأن شاء الله ما أكون طولت عليكم ويعجبكم التوبيك


    منقــــــــــــــــــول

    ~*~ with love ~*~
    avatar
    عطر الندى

    ¤° مؤسسة الموقع °¤


    انثى عدد الرسائل : 290
    العمر : 34
    البلد : سعودية وأفتخر
    المهنة :
    الهواية :
    المزاج :
    تاريخ التسجيل : 12/06/2008

    فراشة رد: اللهجة الحجازية البحتة

    مُساهمة من طرف عطر الندى في الثلاثاء أكتوبر 28, 2008 2:45 pm


    وين الصبايا




    ؟
    ؟
    ؟
    ؟
    ؟
    ؟


    وين ردودهم؟
    ؟
    ؟
    ؟
    !
    !
    !
    !
    !
    Question
    Question
    Exclamation
    avatar
    أحلى الصبايا

    (( مشرفة عامة ))
    (( مشرفة عامة ))


    انثى عدد الرسائل : 360
    العمر : 27
    البلد : فــي قلب كل من أحبني
    المهنة :
    الهواية :
    المزاج :
    تاريخ التسجيل : 22/06/2008

    فراشة رد: اللهجة الحجازية البحتة

    مُساهمة من طرف أحلى الصبايا في السبت نوفمبر 01, 2008 3:32 pm



    ـــــــــــــــــــــــــــــــــــــــــــ
    اذا غاب في يوم اسمي من هنا ..


    فربما ينساني البعض ..!!


    ولكن ..ستتذكرني صفحاتي


    من سجلت عليها حروفي ..


    لتبقى كلماتي ..!!


    رمزا للجميع ..ليتذكرني

    ***************************
    اللهم
    زد من يحبني
    جنونا بي
    وامنح من
    يكرهني نعمة العقل
    avatar
    كلي سكر
    عضو نشيط
    عضو نشيط

    انثى عدد الرسائل : 50
    العمر : 29
    البلد : k.s.a
    تاريخ التسجيل : 12/11/2008

    فراشة رد: اللهجة الحجازية البحتة

    مُساهمة من طرف كلي سكر في الخميس نوفمبر 20, 2008 8:43 am

    وااااااااااااااو



    أستفدت من هذا الموضوع




    مرررررررة







    ومصطلاحاته جدا غريبة



    وبضحك










    هههههههههههههههههههههه







    avatar
    أحلى صبي

    (( مشرف قسم الشعر والأدب ))
    (( مشرف قسم الشعر والأدب ))


    ذكر عدد الرسائل : 155
    العمر : 39
    البلد : العراق
    تاريخ التسجيل : 03/12/2008

    فراشة رد: اللهجة الحجازية البحتة

    مُساهمة من طرف أحلى صبي في السبت ديسمبر 06, 2008 2:03 pm

    يبدو لي أن هناك كثير من الكلمات تشابه اللهجة العراقية

    منها
    أتقنعي ..أتغطي أو ألبسي ألعباية

    الكرويتة..القنفة أو الكنبة

    الزقاق..الدربونة أو الحارة

    دوندروة.. اي موطا أو أيس كريم

    دحدرانة.. أي منحدر الطريق

    القابلة..الولادة

    المملوك..أي المأذون

    لكن هناك مثل عجبني كذلك موجود بالعراق

    ويغنيه المطرب العراقي ياس خضر

    رضينة بالهم والهم ما رضا بينا

    وشكرا
    avatar
    عطر الندى

    ¤° مؤسسة الموقع °¤


    انثى عدد الرسائل : 290
    العمر : 34
    البلد : سعودية وأفتخر
    المهنة :
    الهواية :
    المزاج :
    تاريخ التسجيل : 12/06/2008

    فراشة رد: اللهجة الحجازية البحتة

    مُساهمة من طرف عطر الندى في السبت ديسمبر 06, 2008 6:53 pm

    وااااااااااااااااااااااو


    انتم مثلنا



    خلا اعطينا

    بعض كلماتكم
    لكي نتعرف ع شعبكم العريق

    وجعلناكم شعوبا وقبائل لتتعارفوا








    عالعموم

    أشكرك ع الرد الجميل


    ـــــــــــــــــــــــــــــــــــــــــــ




      الوقت/التاريخ الآن هو الأحد أكتوبر 21, 2018 7:06 am